Studentët kanë nisur ditën e 21-të të protestës kundër qeverisë, duke u mbledhur fillimisht para Universitetit Politeknik e më pas duke u drejtuar drejt Universitetit të Arteve.

Të rinjtë janë futur brenda ambienteve të godinës së Universitetit të Arteve dhe më pas në Fakultetin e Drejtësisë, ku u kanë bërë thirrje studentëve të tjerë për bojkotim të plotë të procesit mësimor dhe bashkim me reagimin qytetar. Gjatë marshimit dhe hyrjes në fakultete, protestuesit kanë lëshuar thirrje si “Bashkohuni me ne”, “Rama jepe dorëheqjen”, si dhe “Rama në burg, Berisha në burg”.

Tubimet e studentëve vijojnë prej tre javësh, ndërsa kërkesat e tyre përshkallëzohen me thirrje për bojkot arsimor dhe ndryshime politike në vend.