Shqipëria renditet edhe në vitin 2025 si vendi me peshën më të lartë të sektorit të ndërtimit në ekonomi në të gjithë Europën, sipas të dhënave të Eurostat. Ndërtimi zë 12.6% të Prodhimit të Brendshëm Bruto të vendit, një nivel që është rreth 2.5 herë më i lartë se mesatarja e Bashkimit Europian, e cila qëndron në 5%. Asnjë vend tjetër i raportuar nga Eurostat nuk i afrohet këtij niveli.

Në rang europian, pas Shqipërisë renditet Rumania me 8.6%, e ndjekur nga Kosova me 7.8%. Edhe brenda Ballkanit Perëndimor, Shqipëria shkëputet ndjeshëm: Serbia ka vetëm 4.6% dhe Mali i Zi 3.8%, kurse Kroacia, pavarësisht investimeve intensive në turizëm dhe infrastrukturë, regjistron 6.6%.

Megjithatë, ky model rritjeje ngre shqetësime strukturore. Ndërtimi dhe pasuria e paluajtshme kanë siguruar bashkërisht afërsisht një pikë përqindjeje nga rritja totale ekonomike prej 3.9% në 2025-n, ndërkohë që sektorët prodhues si bujqësia dhe industria kanë dhënë kontribut negativ. Bujqësia u tkurr 2% për të pestin vit radhazi, ndërsa industria shënoi rënie prej 1.6%. Situata është e mprehtë nëse merret parasysh se këta dy sektorë punësojnë 45% të fuqisë punëtore, ndërsa ndërtimi ofron vet

Foto: Frank Rietsch / Pexels