Autoriteti Rrugor Shqiptar ka njoftuar kufizime të përkohshme të qarkullimit në aksin Tiranë–Durrës, për shkak të punimeve të lidhura me projektin e zgjerimit të superstradës (Faza III). Ndërhyrjet do të zhvillohen në tri netë radhazi, më 1, 2 dhe 3 shtator 2026, nga ora 23:00 deri në 05:00, dhe do të përfshijnë montimin e trarëve metalikë në hapësirën qendrore të mbikalimit të ri të Kasharit.

Gjatë këtij intervali, të dyja drejtimet e aksit kryesor do të bllokohen përkohësisht, ndërsa trafiku do të devijohet sipas skemave të miratuara. Mjetet që vijnë nga Tirana do të ridrejtohen nëpërmjet rampës provizore drejt Rinasit, me rikthim në autostradë përmes rampës së Durrësit. Kamionët dhe mjetet e rënda do të devijohen që nga nyja “Casa Italia”. Nga drejtimi Durrës–Tiranë, qarkullimi do të kalojë nëpërmjet mbikalimit Kashar–Thumanë, duke u rikthyer në autostradë pas mbikalimit të Kasharit. Mjetet me destinacion Rinasin, Shkodrën dhe Kosovën do të orientohen menjëherë në mbikalimin Kashar–Thumanë.

ARRSH u kërkon drejtuesve të mjeteve të planifikojnë paraprakisht itinerarin dhe të ndjekin me kujdes sinjalistikën e vendosur gjatë punimeve.

Foto: Jeffrey Blum / Unsplash