Turizmi mbetet një ndër sektorët kyç të ekonomisë shqiptare, duke gjeneruar të ardhura të konsiderueshme dhe duke kontribuar ndjeshëm në rritjen e brendshme. Raporti i Komisionit Europian për vitin 2025 e vlerëson Shqipërinë si destinacion konkurrues, duke theksuar njëkohësisht nevojën për përmirësime strukturore në infrastrukturë, kapacitete profesionale dhe mbrojtje mjedisore.

Megjithatë, ekspertët e sektorit ngrenë një pyetje themelore: a po ndërtohet turizmi shqiptar mbi baza të qëndrueshme afatgjata? Fushatat promovuese kanë rritur ndjeshëm numrin e vizitorëve, por qëndrueshmëria e sektorit nuk varet vetëm nga marketingu apo kapacitetet akomoduese. Ajo kërkon funksionim të plotë dhe me standarde europiane të të gjitha institucioneve publike që ndërveprojnë me turistin gjatë qëndrimit të tij në vend, nga policia dhe doganat deri te shërbimet shëndetësore, gjyqësore dhe financiare.

Ardhja e turistëve të huaj, veçanërisht atyre europianë, funge edhe si test real për nivelin e shtetit të së drejtës dhe shkallën e praktikave korruptive. Forcimi i institucioneve dhe ofrimi i shërbimeve publike cilësore jo vetëm që garantojnë kënaqësinë e turistit, por kontribuojnë drejtpërdrejt edhe në procesin e integrimit europian të Shqipërisë.

Foto: Fabian Kühne / Unsplash