Llogaria zyrtare në platformën X e ish-presidentit venezuelian Nicolás Maduro ka publikuar një seri fotografish të reja, të realizuara gjatë periudhës së ndalimit të tij në Shtetet e Bashkuara. Imazhet, të datuara më 25 qershor 2026, shoqërohen me mesazhe personale drejtuar familjes dhe mbështetësve të tij, duke i cilësuar ato si një “dhuratë të vogël dashurie dhe shprese”.

“I dërgoj këto foto si një dhuratë për nipërit dhe mbesat e mia, për djemtë dhe vajzat, dhe për të gjithë njerëzit fisnikë që na duan”, thuhet në njërin prej postimeve. Maduro u arrestua në janar të vitit të kaluar gjatë një operacioni ushtarak në Karakas dhe më pas u transferua në një burg në Nju Jork, ku po përballet me akuza për narkoterrorizëm, komplot për importimin e kokainës dhe posedim të armëve.

Në tekstet shoqëruese, Maduro paraqitet si i palëkundur, duke falënderuar mbështetësit për “çdo fjalë, çdo gjest dhe çdo bekim”. Mesazhi mbyllet me një referencë për gruan e tij Cilia dhe besimet e tij fetare: “Me besim të paprekur në Zot. Venezuela do të rilindë.”

Foto: RDNE Stock project / Pexels