Islanda tha “jo” rihapjes së negociatave për anëtarësim në Bashkimin Evropian, pas një referendumi që shënoi një humbje të qartë për qeverinë e kryeministres Kristrún Frostadóttir. Rezultatet tregojnë se 52.8% e votuesve u shprehën kundër rifillimit të bisedimeve me Brukselin, ndërsa 47.2% ishin pro. Pjesëmarrja e lartë prej 82.5% dëshmon se çështja mbeti shumë e rëndësishme për qytetarët e këtij vendi nordik me rreth 400 mijë banorë.

Referendumi nuk ishte votim i drejtpërdrejtë për anëtarësim, por vetëm për mundësinë e rinisjes së negociatave, të ndërprera që në vitin 2013. Islanda kishte aplikuar për t’u bërë pjesë e BE-së në vitin 2009, në kulmin e krizës financiare.

Në qendër të debatit publik qëndroi shqetësimi për kontrollin e ujërave dhe burimeve të peshkimit, sektor kyç i ekonomisë islandeze. Kundërshtarët argumentuan se integrimi europian do të rrezikonte sovranitetin kombëtar mbi këto burime. Mbështetësit, nga ana e tyre, theksuan se anëtarësimi mund të ndihmonte në uljen e kostos së jetesës dhe të normave të larta të interesit, aktualisht në 8%, krahasuar me 2.25% të Bankës Qendrore Evropiane. Qeveria pritet ta lërë mënjanë çështjen e anëtarësimit për pjesën e mbetur të mandatit.

Foto: Frugal Flyer / Unsplash