Manchester City është treguar i vendosur të sigurojë shërbimet e Enzo Fernandez, mesfushorit argjentinas që konsiderohet prioritet absolut nga trajneri Pep Guardiola për merkaton e dimrit. Tekniku katalanas e sheh mesfushorin si elementin kyç për të mbyllur boshllëkun e lënë pas largimit të figurave madhore si Rodri, Reijnders dhe Bernardo Silva, humbje që kanë dobësuar ndjeshëm mesfushën e kampionit anglez.

Roli vendimtar në këtë operacion pritet ta luajë Chelsea, i cili ka sinjalizuar gatishmërinë për të lënë të largohet lojtari, por duke vendosur kushte të qarta financiare. Sipas ekspertit të njohur të merkatos, Fabrizio Romano, londinezët vlerësojnë kartonin e Fernandez në 120 milionë sterlina dhe nuk janë të gatshëm të ulen në tryezën e negociatave nëse “qytetarët” nuk i plotësojnë këto kushte.

Lidhja ndërmjet Fernandez dhe trajnerit Enzo Maresca, të cilët bashkëpunuan gjatë sezonit të kaluar te Chelsea, vlerësohet si faktor me peshë në këtë transferim të mundshëm. Tani vendimi i mbetet Manchester City, i cili duhet të vendosë nëse është i gatshëm të përmbushë kërkesat financiare të Chelsea për të finalizuar marrëveshjen.

Foto: Fancy Crave / Unsplash