Autoriteti Kombëtar për Mbrojtjen e të Dhënave në Brazil (ANPD) ka vendosur një gjobë prej 153.7 milionë realësh brazilianë, ekuivalente me rreth 25.57 milionë euro, ndaj ByteDance, kompanisë prindër të TikTok. Vendimi erdhi pas konstatimit të shkeljeve serioze në mënyrën e trajtimit të të dhënave personale të fëmijëve dhe adoleshentëve në platformë.

Autoriteti braziliane vlerësoi se TikTok dështoi të ndërtojë pengesa efektive për të bllokuar aksesimin e platformës nga të miturit nën 16 vjeç dhe nuk i administroi në mënyrë të ligjshme të dhënat e tyre. Krahas gjobës financiare, ByteDance është e detyruar të fshijë informacionet e mbledhura në kundërshtim me ligjin dhe të zbatojë masa konkrete për forcimin e mbrojtjes së kategorive të ndjeshme të përdoruesve.

Ndër detyrimet e reja, kompania duhet të aktivizojë automatikisht cilësimet më të rrepta të privatësisë për llogaritë e të miturve, të përmirësojë kontrollet prindërore dhe të intensifikojë filtrimin e përmbajtjes. Versioni i platformës i aksesueshëm pa llogari do të duhet të pezullojë reklamat, të kufizojë kohën e shikimit në 12 orë dhe të ndalojë publikimin e videove apo ndjekjen e transmetimeve live.

Brazili po shton presionin ndaj rrjeteve sociale, me legjislacion të ri që kërkon lidhjen e llogarive të të miturve me ato të prindërve dhe verifikimin e moshës

Foto: Zulfugar Karimov / Unsplash