Presidenti amerikan Donald Trump deklaroi të premten se, pas përfundimit të konfliktit me Iranin, synon ta shpallë Ngushticën e Hormuzit territor të Shteteve të Bashkuara. Deklarata u bë gjatë një tubimi elektoral në Long Island, ku Trump mbështeste kandidatët republikanë për governor dhe Kongres. “Pasi të mposhtim Iranin, do ta shpall Ngushticën e Hormuzit territor amerikan,” tha ai, sipas New York Post. Presidenti nuk dha asnjë shpjegim lidhur me mekanizmin juridik ose diplomatik që do të mundësonte një vendim të tillë.

Deklarata vjen në një kontekst të tensionuar. Marrëveshja paraprake e paqes e nënshkruar mes dy vendeve më 17 qershor u prish muajin e kaluar, pasi forcat iraniane hapën zjarr ndaj anijeve tregtare në korridorin detar të preferuar nga Uashingtoni dhe u përpoqën të ushtronin kontroll mbi ngushticën. Ky zhvillim e ktheu zonën në epiqendër të përplasjes mes dy vendeve.

Ngushtica e Hormuzit, e cila lidh Gjirin Persik me Detin Arabik, është një nga arteriet kryesore të transportit global të naftës dhe gazit. Çdo ndryshim në kontrollin e saj preket drejtpërdrejt tregjet botërore të energjisë. Nuk është hera e parë që Trump e ka synuar simbolikisht këtë zonë – në mars propozoi riemërtimin e saj si “Ngushtica e Amerikës”.

Foto: Melika Hazrati / Pexels