Gjetja e një vendi pune me pagë mbetet një sfidë e vërtetë në Shqipëri, sidomos për personat e papunë ose ata që ushtrojnë vetëpunësim. Sipas raportit të Bankës Botërore “Rationalizing Informality: Social Protection, Job Quality, and Growth”, vetëm rreth 6% e të papunëve në vend arrijnë të kalojnë në punësim formal brenda një tremujori, duke e vendosur Shqipërinë në fund të listës ndër rreth 50 ekonomitë e analizuara.

Diferenca me vendet e rajonit është e dukshme. Norma e kalimit drejt punësimit me pagë arrin 13% në Maqedoninë e Veriut, 15% në Serbi, 16% në Bosnjë dhe Hercegovinë, ndërsa Mali i Zi dhe Kroacia regjistrojnë shifra respektivisht 17% dhe 16%. Sllovenia i afrohet nivelit 22%. Ndërkaq, në ekonomitë perëndimore si Danimarka kjo normë shkon deri në 39%, në Shtetet e Bashkuara 37%, dhe rreth 30% në Zvicër e Austri.

Banka Botërore thekson se rritja ekonomike nuk garanton automatikisht mundësi më të mëdha punësimi. Informaliteti i lartë, mospërputhja e aftësive me kërkesat e tregut dhe efektiviteti i kufizuar i shërbimeve të ndërmjetësimit identifikohen si faktorë kryesorë. Edhe vetëpunësimi, që zë rreth 30% të punësimit total, nuk shërben si urë e besueshme drejt punësimit formal, ndryshe nga mod

Foto: Markus Winkler / Unsplash