Vera është stina kur shumë lexues kthehen te libri, duke shfrytëzuar kohën e lirë të pushimeve. Botuesit shqiptarë raportojnë interes të shtuar për romancën, thriller-in, letërsinë psikologjike dhe titujt për fëmijë, ndërkohë që në tregjet ndërkombëtare po rriten ndjeshëm letërsia artistike dhe audiolibrat.

Libri i verës nuk përbën një zhanër të veçantë, por përfaqëson kryesisht një mënyrë leximi më të lirë dhe më pak të ndërprerë nga detyrimet e përditshme. Ai futen në çantën e plazhit, hapet gjatë orëve të pritjes në aeroport ose shoqëron pasditet e gjata kur nxehtësia e ngadalëson ritmin e ditës.

Botuesit shqiptarë kanë ndërtuar listat verore duke u mbështetur te romane që lexohen shpejt, te seritë dhe te thriller-ët. Shtëpitë botuese si Pegi, Dudaj, Living, Toena, Bota Shqiptare dhe Mediaprint propozojnë tituj nga letërsia bashkëkohore dhe ajo klasike, për lexues të moshave të ndryshme.

Vera është gjithashtu periudha kur prindërit përpiqen ta ruajnë marrëdhënien e fëmijëve me librin, pa e shndërruar leximin në vazhdim të detyrimeve shkollore.

Rrjetet sociale, veçanërisht TikTok, kanë ndryshuar mënyrën si zbulohen titujt e rinj, duke sjellë breza të rinj në librari dhe duke rikthyer vepra të harruara në

Foto: Chen Mizrach / Unsplash