Presidenti amerikan Donald Trump ka bërë të ditur se është arritur një marrëveshje që ai e quan “historike”, e cila parashikon çarmatimin e plotë të Hamasit dhe të të gjitha grupeve të tjera të armatosura në Rripin e Gazës. Nëpërmjet platformës Truth Social, Trump e cilësoi marrëveshjen si një “hap monumental” drejt paqes dhe stabilitetit afatgjatë, duke shtuar se ajo hapë rrugën për një formë të re qeverisjeje në territor.

Sipas planit të paraqitur, Gaza do të kalojë gradualisht nën administrimin e një qeverie të re palestineze, e cila do të veprojë në bashkëpunim me Këshillin e Paqes. Paralelisht me procesin e çarmatimit, forcat izraelite do të tërhiqen nga territori, ndërkohë që siguria do të garantohet nga një Forcë Ndërkombëtare Stabilizimi dhe një forcë e re policore palestineze.

Trump e vendosi këtë zhvillim në kuadër të planit të tij 20-pikësh për Gazën, duke e paraqitur si moment kyç për stabilitetin rajonal. Duke evokuar gjendjen e një viti më parë, ai nënvizoi kontrасtin me luftën dhe krizën humanitare, duke pranuar njëkohësisht se sfida të mëdha mbeten ende përpara.

Në fund të deklaratës, Trump shprehu mirënjohje ndaj Egjiptit, Katarit dhe Turqisë për rolin e tyre ndërmjetësues, si dhe ekipit negociues amerikan.