Zjarret shkatërruese që kanë goditur jugperëndimin e Francës kanë sjellë me vete një fenomen jashtëzakonisht të rrallë në Evropë, atë të “stuhisë së zjarrit”. Ky dukuri, e njohur kryesisht nga vendet si Shtetet e Bashkuara, Kanadaja dhe Australia, po bëhet shqetësuese edhe për kontinentin evropian, ku zjarret pyjore po fitojnë intensitet në rritje të vazhdueshme.

Franca ka regjistruar këtë sezon rreth 290 mijë hektarë tokë të shkrumbuar, një rekord i paparë deri më sot në historinë e vendit. Presidenti Emmanuel Macron e ka përshkruar situatën si njërën ndër më të rëndat që nga Lufta e Dytë Botërore.

Një “stuhi zjarri” formohet kur flakët me intensitet ekstrem lëshojnë sasi të jashtëzakonshme nxehtësie, e cila ngjitet me shpejtësi në atmosferë dhe krijon re të ngjashme me ato të stuhive konvektive. Këto re gjenerojnë erëra të fuqishme dhe vetëtima, duke e bërë zjarrin akoma më të paparashikueshëm dhe vështirë të kontrollueshëm.

Edhe Spanja është goditur rëndë, duke detyruar të dy vendet të kërkojnë ndihmë nga Bashkimi Evropian. Mbi 300 mijë banorë janë evakuuar gjithsej. Shkencëtarët theksojnë se ndryshimet klimatike kanë krijuar kushte ideale për përhapjen e flakëve, duke paralajmëruar se fenomene të tilla