Protesta e 58-të kundër kryeministrit Edi Rama u mbyll mbrëmjen e sotme në Tiranë, duke u zhvilluar fillimisht me marshim nëpër rrugët e kryeqytetit dhe më pas me tubim përpara godinës së Kryeministrisë. Qytetarët që morën pjesë mbajtën fjalime dhe shprehën hapur kundërshtimin ndaj politikave qeveritare, ndërsa slogani “Shqipëria kërkon revolucion!” dominoi atmosferën e mbrëmjes.

Ndër temat e ngritura gjatë tubimit, organizatorët dhe folësit drejtuan kritika edhe ndaj platformës “Besa”, prezantuar kohët e fundit nga kryeministri Rama, duke e cilësuar atë si një përgjigje të pamjaftueshme ndaj kërkesave të lëvizjes protestuese. Thirrjet “Rama ik!”, “Dorëheqje!” dhe “Shqipëri e re” u përsëritën gjatë marshimit të mbrëmjes, i cili u zhvillua pa asnjë incident.

Organizatorët u shprehën se lëvizja ka sot një objektiv të vetëm e të qartë: largimin e Edi Ramës nga postin i kryeministrit dhe mbajtjen e zgjedhjeve të lira. Ata nënvizuan se mobilizimi do të vazhdojë çdo ditë, pa ndërprerje, deri në arritjen e këtij qëllimi.