Kryeministri izraelit Benjamin Netanyahu mbërriti në Shtëpinë e Bardhë pak çaste pasi presidenti ukrainas Volodymyr Zelenskyy përfundoi takimin me presidentin amerikan Donald Trump, duke shënuar kështu një ditë me denduri të lartë diplomatike për Uashingtonin. Dy takimet e njëpasnjëshme mbuluan çështjet më të nxehta të axhendës ndërkombëtare: lufta në Ukrainë dhe situata në Lindjen e Mesme. Vizitat u zhvilluan edhe në kuadër të ceremonive mortore të senatorit Lindsey Graham.

Takimi me Netanyahun u parapri nga tensione të dukshme publike. Për dy ditë radhazi, Trump kritikoi hapur kryeministrin izraelit, duke i kërkuar që shqetësimet rreth objektit bërthamor nëntokësor iranian të Malit Pickaxe t’i shprehte privatisht dhe jo publikisht. Sipas Trumpit, qëndrimet e Netanyahut dukeshin si përpjekje për të mbajtur Uashingtonin të angazhuar në konfliktin me Teheranin. “Nuk kam nevojë që Bibi të më tregojë”, deklaroi presidenti amerikan, duke theksuar se administrata e tij është plotësisht e informuar. Trump paralajmëroi gjithashtu se SHBA do ta neutralizonte “shumë lehtë” objektin iranian nëse Teherani nuk arrin marrëveshje me Uashingtonin. Një ditë më parë, Trump kishte mbrojtur edhe shitjet e armëve për Turqinë, duke hedhur poshtë kundërshtimet izraelite.