Ekonomitë e Ballkanit Perëndimor ndërtojnë rritjen e tyre mbi baza të ndryshme, duke shfaqur modele zhvillimi që divergjojnë ndjeshëm si ndërmjet tyre, ashtu edhe në raport me mesataren e Bashkimit Europian. Një analizë e të dhënave të Eurostat për vitin 2024, bazuar në strukturën e vlerës së shtuar bruto sipas aktivitetit ekonomik, zbulon pabarazi të theksuara sektoriale në të gjithë rajonin.

Shqipëria bie në sy për dy karakteristika dalluese: peshën më të lartë të ndërtimit dhe të bujqësisë në rajon. Sektori i ndërtimit gjeneron 13.8% të vlerës së shtuar bruto, mbi dyfishi i mesatares europiane, ndërsa bujqësia arrin 17-18%, krahasuar me më pak se 2% në BE. Industria, nga ana tjetër, mbetet e dobët, me vetëm 12% të ekonomisë, dukshëm nën nivelet e Serbisë, Kosovës dhe Bosnjë-Hercegovinës.

Serbia ka ndërtuar një model gjithnjë e më të orientuar drejt teknologjisë, ku sektori i informacionit dhe komunikimit gjeneron rreth 10% të vlerës së shtuar, niveli më i lartë në rajon dhe afërsisht dyfishi i mesatares europiane. Mali i Zi mbështetet kryesisht te turizmi, me tregtinë dhe akomodimin që zënë mbi 32% të ekonomisë. Kosova dhe Bosnjë-Hercegovina ruajnë baza industriale relativisht të forta, ndërsa Maqedonia e Veriut paraqet një strukturë më të shpë