Ish-kryeministri hungarez Viktor Orbán ka reaguar pas lajmeve për arrestimin e vëllait të tij, Áron Orbán, i cili është ndaluar nga autoritetet në kuadër të një hetimi për trafikim të emigrantëve.

Përmes një reagimi në rrjetet sociale, Orbán e ka cilësuar operacionin si një përpjekje për ta goditur atë politikisht, duke pretenduar se i vëllai po përdoret si instrument në përplasjen me kabinetin e ri qeveritar.

“Objektivi jam unë, vëllai im është vetëm një mjet”, deklaroi ish-kryeministri hungarez.

Orbán ka akuzuar autoritetet e drejtuara nga kryeministri Péter Magyar për përdorim të institucioneve shtetërore në përballje politike. Deklarata vjen pasi Áron Orbán u përfshi në hetimet që lidhen me dyshimet për ndërmjetësim të paligjshëm në pajisjen e shtetasve të huaj me viza dhe leje qëndrimi në Hungari.

Nga ana tjetër, kryeministri Péter Magyar konfirmoi se hetimet nga organet ligjzbatuese po vijojnë për zbardhjen e plotë të çështjes.