Forcat speciale RENEA janë vendosur mbrëmjen e sotme në Bulevardin “Dëshmorët e Kombit”, duke marrë në mbrojtje godinën e Kryeministrisë pas tensioneve të forta të regjistruara gjatë protestës.

Efektivët e repartit special kanë krijuar një perimetër sigurie rreth godinës, ndërsa forcat e tjera të Policisë kanë vijuar ndërhyrjen për të larguar protestuesit nga zona përpara Kryeministrisë.

Prania e RENEA-s përbën një masë të papërdorur sigurie, pasi ky repart angazhohet zakonisht në operacione me rrezikshmëri të lartë dhe në situata që kërkojnë ndërhyrje të specializuar.

Vendosja e forcave speciale erdhi pas përplasjeve më të ashpra të ditës së pestë të protestës.

Gjatë incidenteve janë përdorur bomba molotov dhe janë raportuar disa efektivë të plagosur. Dy punonjës policie u përfshinë gjithashtu nga flakët gjatë përplasjeve.