Kombëtarja e Kroacisë ka pësuar njërën prej humbjeve më të rënda dhe më turpëruese në historinë e saj, duke u mposhtur me rezultatin e thellë 7-0 nga Anglia në stadiumin “Rujevica” të Rijekës, në kuadër të fazës së grupeve të Ligës së Kombeve.

Pas përfundimit të takimit, kapiteni dhe veterani i përfaqësueses kroate, Luka Modriç, nuk e ka fshehur dot zhgënjimin dhe është shfaqur tejet i ashpër me paraqitjen e skuadrës.

Lidhur me këtë humbje historike, Luka Modriç u shpreh:

“Është e vështirë të gjesh një shpjegim për një paraqitje pa dyluftime, faulle, agresivitet apo frymë grupi… Jam këtu prej 20 vitesh, por kjo është hera e parë që ndihem i turpëruar pas një ndeshjeje.

Mund të humbasësh, dikush mund të jetë më i mirë, dhe ata aktualisht janë më të mirë, por të humbasësh në këtë mënyrë dhe të hedhësh poshtë reputacionin që kemi ndërtuar ndër vite, është e papranueshme. Ndihem i turpëruar.”