Nënkryetari i Partisë Demokratike, Belind Këlliçi, ka reaguar pas publikimit të audiopërgjimeve të reja që tregojnë ndikimin e biznesmenit Ron Yeffet në institucionet e qeverisë shqiptare.

Këlliçi shprehet se nga përgjimet e reja rezulton se Yeffet, për të cilin më herët është zbuluar se kishte ndikim mbi Ministrinë e Mbrojtjes, tashmë del edhe me ndikim në Ministrinë e Infrastrukturës dhe Energjetikës.

Roni i Ramës paska të gjithë qeverinë në dorë!
Pasi u zbulua një javë më parë se Ministri i Mbrojtjes ishte kukull në duart e Ron Yeffet, në përgjimet e reja të zbardhura sonte, del se izraeliti që kryen punët e pisëta të Ramës, ka nën kontroll dhe Ministrinë e Infrastrukturës dhe Energjetikës.
Ron Yeffet i thotë partnerëve në biznes që ata të shkojnë në Vlorë, të shohin e të inspektojnë, madje të paraqiten dhe si kompani amerikane, e të vendosin çfarë duan, sepse tek Ministria e Energjetikës e zgjidh ai çdo gjë!
Ron Yeffet e deklaron këtë në kohën kur Ministre ishte pikërisht Belinda Balluku.
Skandali i punëve të pisëta të Edi Ramës po zmadhohet.
Trafik armësh dhe koncesione në energjetikë, biznes dhe plaçkitje, dorë e zgjatur në çdo pasuri të vendit. Kjo është qeverisja.
Kjo është Besa e Edi Ramës.
Kjo është Prania Besnike.
Kjo është Pasqyrë Albania.