Marshimi i protestuesve vijoi nëpër bulevardet e Tiranës, duke mbajtur flamuj kombëtarë dhe veshur me kostume tradicionale popullore. Kolona e demonstruesve u ndal për disa çaste në Rrugën e Elbasanit, ku kënduan këngë patriotike dhe ngritën zërin kundër qeverisë në fuqi.

Thirrjet e shumta antiqeveritare mbushën ajrin e kryeqytetit. “Arrestoni Ramën” dhe “Shqipëria e shqiptarëve, jo e tradhtarëve” ishin ndër sloganet që dëgjoheshin më shpesh gjatë marshimit. Protestuesit bënin thirrje për llogaridhënie politike dhe ndryshime të thella në drejtimin e vendit.

Ndërkaq, bulevardi kryesor i Tiranës jehoi nga zërat e turmës, e cila këndoi: “Shikoni, dëgjoni, bulevardi plot, protestën e shqiptarëve nuk e ndalni dot”. Slogani tjetër i shpeshtë ishte edhe “Nuk shitet Shqipëria, shitet qeveria”, i cili nënvizonte pakënaqësinë e thellë të qytetarëve ndaj vendimmarrjes politike. Prania masive e pjesëmarrësve dhe atmosfera e ngarkuar emocionale dhanë një karakter të veçantë këtij marshimi në rrugët e kryeqytetit.

Foto: Alex Radelich / Unsplash