Bilanci i pagesave të Shqipërisë ka shënuar një përmirësim të ndjeshëm gjatë gjysmës së parë të vitit 2026, i nxitur kryesisht nga performanca e sektorit të turizmit dhe rritja e dërgesave nga emigrantët. Të dhënat e Bankës së Shqipërisë tregojnë se deficiti i llogarisë korrente për gjashtëmujorin e parë zbriti në 361 milionë euro, duke shënuar një rënie prej 40.6% krahasuar me të njëjtën periudhë të vitit paraardhës dhe nivelin më të ulët që prej vitit 2018.

Edhe pse deficiti tregtar në mallra mbetet faktori kryesor negativ, duke arritur vlerën e 2.89 miliardë eurove, ai kompensohet nga dy shtyllat kryesore të të ardhurave: turizmi dhe remitancat. Bilanci në tregtinë e shërbimeve shënoi një suficit prej 1.79 miliardë eurosh, me rritje prej 12.9%, ndërsa turizmi vetëm i solli ekonomisë 957 milionë euro neto, duke u rritur me 20%. Dërgesat e emigrantëve arritën në 621 milionë euro, rritje prej 16.7%, duke regjistruar vlerën më të lartë historike për këtë periudhë. Investimet e huaja direkte, me 1.144 miliardë euro dhe rritje prej 50%, mbyllën bilancin në terma pozitivë, duke kontribuar edhe në forcimin e mëtejshëm të Lekut ndaj Euros.

Foto: David Emrich / Unsplash