Ekonomia britanike shënoi në korrik ritmin më të lartë të rritjes vjetore në 18 muaj, duke vijuar kështu ecurinë pozitive të gjysmës së parë të vitit, pavarësisht pasojave ekonomike nga konflikti SHBA-Iran. Sipas të dhënave të publikuara nga Zyra Kombëtare e Statistikave, ONS, Produkti i Brendshëm Bruto u zgjerua me 1.6% në terma vjetorë, duke tejkaluar ndjeshëm parashikimin prej 1.2% të ekonomistëve. Në bazë mujore, rritja arriti në 0.4%, ndërsa pritshmëritë mesatare parashikonin stagnacion.

Ndër faktorët kryesorë të kësaj rritjeje, ONS theksoi kontributin e sektorit të programimit kompjuterik, i cili po përfiton nga zhvillimi i vrullshëm i inteligjencës artificiale. Ministri i Financave, John Healey, e vlerësoi ecurinë si “qëndrueshmëri të mirëpritur”, duke paralajmëruar njëkohësisht se rritja mbetet “e brishtë”. Sfida kryesore paraqitet nga çmimet e naftës, që kaluan 105 dollarë për fuçi si pasojë e konfliktit rajonal, duke rënduar kostot e huamarrjes qeveritare. Tregjet financiare vlerësojnë si pothuajse të sigurtë një rritje të normave të interesit nga Banka e Anglisë deri në nëntor, nën presionin e inflacionit në rritje.

Foto: Lukas Blazek / Pexels