Koreja e Jugut nuk ka lëvizur ende asnjë fond nga paketa prej 350 miliardë dollarësh e rënë dakord me Shtetet e Bashkuara, pavarësisht se pothuajse një vit ka kaluar që kur marrëveshja u arrit në kuadër të negociatave tregtare mes dy vendeve. Sipas Financial Times, paketa përfshin 150 miliardë dollarë të destinuara për industrinë e ndërtimit të anijeve dhe rreth 200 miliardë dollarë investime strategjike në territorin amerikan, me synim kryesor uljen e tarifave doganore mbi mallrat koreano-jugore.

Seuli ka kërkuar gjithashtu vendosjen e një kufiri vjetor prej rreth 20 miliardë dollarësh për angazhimet financiare, me qëllim mbrojtjen e tregut të brendshëm të valutës dhe stabilitetit ekonomik. Megjithatë, asnjë angazhim konkret nuk është materializuar deri më tani. Kjo situatë bie ndesh me qasjen japoneze, pasi Japonia ka nisur tashmë disbursimin e miliarda dollarëve në projekte amerikane, pa pasur kufizime të ngjashme vjetore.

Një ndër pengesat kryesore mbetet mënyra e përzgjedhjes së projekteve. Palët koreane kërkojnë që investimet të kenë fizibilitet të qartë ekonomik dhe kthim të pranueshëm financiar. Ndërkohë, Uashingtoni shton presionin për kalimin e angazhimeve të marrëveshjes tregtare në projekte konkrete investimi, ndërsa diskutimet për sektorin e gjysmëpërçuesve vazhdojnë të zënë vend

Foto: Daniel Bernard / Unsplash