Fondi pyjor dhe kullosor i Shqipërisë ka mbetur praktikisht i pandryshuar gjatë vitit 2025, duke zënë rreth 1.73 milionë hektarë, që korrespondon me 60.2% të territorit të vendit. Kjo është konfirmuar nga të dhënat e reja të INSTAT.

Brenda këtij fondi, pyjet zënë peshën kryesore me rreth 1.15 milionë hektarë, ose 66.2% të totalit. Kullotat dhe livadhet mbulojnë rreth 449 mijë hektarë, ndërsa 136 mijë hektarë të tjera klasifikohen si sipërfaqe me bimësi pyjore dhe joproduktive. Vëllimi i drurëve në pyje arrin në rreth 53 milionë metër kub, ku 93.9% i përket pronësisë publike.

Ndërkohë, sipërfaqja e zonave të mbrojtura shënoi rritje. Deri në fund të vitit 2025, Shqipëria kishte 777 zona të mbrojtura me gjithsej 625.551 hektarë, duke zënë 21.7% të territorit kombëtar. Parqet Kombëtare, 12 gjithsej, mbulojnë rreth 314 mijë hektarë dhe përfaqësojnë mbi gjysmën e sipërfaqes së mbrojtur. Rezervatet Natyrore të Menaxhuara dhe Parqet Natyrore renditen të dyta me 217.815 hektarë, duke shënuar një rritje prej rreth 430 hektarësh krahasuar me vitin paraardhës. Kategoria e Peizazheve të Mbrojtura u zgjerua gjithashtu me rreth

Foto: Pascal Debrunner / Unsplash