Bashkimi Europian ka pezulluar një sërë pagesash subvencionale drejtuar konglomeratit çek Agrofert, duke ngritur shqetësime serioze rreth konfliktit të interesit që lidhet me kryeministrin Andrej Babiç. Komisioni Europian vlerëson se Babiç nuk ka këputur në mënyrë të mjaftueshme lidhjet e tij me këtë grup të fuqishëm kompanish, pavarësisht se ai e transferoi pronësinë e Agrofert në një fond me administrim të veçantë, menjëherë pas rikthimit të tij në detyrë në dhjetor 2025.

Sipas një zëdhënësi të Komisionit, kryeministri çek ndodhet në një situatë të mundshme konflikti interesi, veçanërisht në lidhje me menaxhimin e fondeve të kohezionit dhe të politikës bujqësore të BE-së. Fondi i mirëbesimit të krijuar nga Babiç, sipas Brukselit, nuk mjafton për të zbutur këtë rrezik institucional.

Autoritetet çeke të mbështetjes bujqësore raportuan se pagesat e pezulluara arrijnë në vlerën prej rreth tre milionë eurosh, ndërkohë që hetimet vijojnë. Agrofert, konglomerati që vepron në sektorët e bujqësisë, kimikateve dhe industrive të tjera, pohon se i përmbush të gjitha kërkesat ligjore. Nga ana e tij, Babiç mohoi çdo përfitim personal, duke theksuar se nuk është më pronar i grupit. Një auditim i mëparshëm i BE-së kishte konstatuar situatë të ngjashme konflikti interesi gjatë mandatit

Foto: Markus Winkler / Unsplash