Komo do të shkruajë një faqe të re historike këtë javë, duke pritur Lajpcigun në fushën e vet në kuadër të Ligës së Kampioneve. Bëhet fjalë për një nga momentet më të rëndësishme në historinë e këtij klubi italian, i cili pasi u kthye në elitën e futbollit, tani e gjen veten edhe në skenën europiane.

Stadiumi i Komos, relativisht modest krahasuar me arenave të mëdha europiane, do të jetë plot deri në çdo cep, pasi biletat u shitën prej kohësh. Kapaciteti i tij për ndeshjet e UEFA-s arrin vetëm 11 mijë vende, gjë që e bën atmosferën akoma më intime dhe të veçantë.

Por ajo që ka tërhequr vëmendjen e madhe është gjesti fisnik i drejtuesve të klubit. Presidenti Mirvan Suvarso, bashkë me disa drejtues të tjerë, vendosën të heqin dorë nga vendet e tyre në tribunë dhe t’ua ofrojnë falas tifozëve të lindur në vitin 1950 ose më parë. Ky vendim simbolizon nderimin ndaj atyre që kanë qëndruar besnikë ndaj Komos gjatë gjithë viteve të vështira, nëpër kategori të ndryshme, dhe meritojnë të jenë prezentë pikërisht në këtë moment historik.

Foto: Vienna Reyes / Unsplash