Artan Gjergji, ekspert i tregjeve financiare, paralajmëron për rreziqet që vijnë nga zgjerimi i rolit të shtetit shqiptar në ekonomi, duke e konsideruar këtë prirje si shqetësuese për zhvillimin afatgjatë të sektorit privat.

Sipas tij, kthimi i shtetit nga rregullator në lojtar aktiv të tregut sjell pasoja të rënda. Ai thekson fenomenin e njohur si “Crowding Out Effect”, ku kapitali publik, për shkak të madhësisë dhe avantazheve politike, tenton të përjashtojë kapitalin privat nga konkurrenca e lirë dhe e ndershme.

Gjergji vëren se qeveria shqiptare është kthyer në punëdhënësin më të madh në vend, një zhvillim që ai e cilëson si të dëmshëm. Sipas ekspertit, rritja e punësimit publik përtej nevojave reale shpesh shërben qëllime elektorale dhe jo eficiencës ekonomike, ndërsa ngrit kostot për biznesin privat nëpërmjet rritjes së barrës tatimore.

Kontrata koncesionare jotransparente dhe investimet publike të rikontraktuara vazhdimisht konsiderohen nga ai si faktorë që ushqejnë klientelizmin dhe nepotizmin. Alternativa e propozuar është e qartë: shteti duhet të luajë rolin e arbitrit të paanshëm, duke garantuar konkurrencë të ndershme, ulur burokracinë dhe mbrojtur konsumatorin, pa u bërë vetë palë në treg.

Foto: Саша Алалыкин / Pexels