Statistikat tregojnë se rreth 70% e proceseve të riorganizimit të kompanive dështojnë në arritjen e objektivave të planifikuara. Një ndër arsyet kryesore të këtij fenomeni lidhet me mënyrën se si trajtohet ndikimi i ndryshimeve mbi punonjësit, sipas një analize të Forumit Ekonomik Botëror.

Studimet tregojnë se drejtuesit e kompanive priren të fokusohen kryesisht te struktura organizative, kostot dhe afatet kohore, duke lënë në plan të dytë pasigurinë që këto procese gjenerojnë tek stafi. Ky boshllëk shkakton ankth, lodhje profesionale dhe rënie të ndjeshme të motivimit e besimit ndaj drejtuesve.

Një faktor shpesh i anashkaluar është edhe ritmi i ndryshëm me të cilin drejtuesit dhe punonjësit e përjetojnë procesin. Kur një vendim u kumtohet zyrtarisht stafit, ekipet drejtuese mund ta kenë diskutuar prej muajsh. Për punonjësin, megjithatë, pikërisht ai çast shënon nisjen e një periudhe të vështirë pasigurie.

Ekspertët rekomandojnë komunikim të hershëm dhe të qartë mbi arsyet e riorganizimit, sqarime për ndikimet konkrete në çdo rol dhe hapje ndaj pyetjeve. Mbështetja ndaj menaxherëve të mesëm vlerësohet si prioritet, pasi ata gjenden në kryqëzimin midis vendimeve të larta dhe shqetësimeve të ekipeve. Në një kontekst global të karakterizuar nga ndryshime të shpejta teknologjike, ekonomike dhe gjeopolitike, menax

Foto: Jo Szczepanska / Unsplash