Autoriteti Rrugor Shqiptar (ARRSH) ka bërë të ditur se qarkullimi në autostradën Tiranë-Durrës do të pësojë kufizime të përkohshme gjatë natës së 14 dhe 15 gushtit, në kuadër të punimeve për ngritjen e mbikalimit të ri në zonën e Kasharit.

Ndërhyrjet do të fillojnë në orën 23:00 dhe do të përfundojnë në 05:00 të mëngjesit, duke përfshirë montimin e strukturës metalike të mbikalimit. Për garantimin e sigurisë gjatë këtij procesi, të dyja korsinë kryesore në drejtimin Tiranë-Durrës do të bllokohen përkohësisht.

Mjetet me destinacion Durrësin do të devijohen drejt dy korsive të anës së majtë të autostradës, të cilat do të shërbejnë kalimtarisht për lëvizjen në të dyja drejtimet. ARRSH sqaron se automjetet me destinacion Aeroportin Ndërkombëtar të Tiranës nuk do të preken nga këto masa dhe do të vazhdojnë lëvizjen normalisht.

Autoriteti u është drejtuar drejtuesve të automjeteve, banorëve dhe bizneseve të zonës, duke i kërkuar kujdes të shtuar dhe mirëkuptim ndaj masave të miratuara për menaxhimin e trafikut gjatë kësaj periudhe.

Foto: Павел Хлыстунов / Pexels