Forcimi i vazhdueshëm i Lekut po ndikon drejtpërdrejt në strukturën e borxhit publik shqiptar, duke e mbajtur ekspozimin ndaj monedhave të huaja pranë niveleve më të ulëta të regjistruara në të paktën një dekadë. Sipas të dhënave të Ministrisë së Financave, raporti i borxhit në valutë të huaj ndaj totalit të borxhit publik arriti në 40.1% në mesin e vitit 2026, duke shënuar rënie krahasuar me 40.9% të një viti më parë.

Në vlerë absolute, borxhi i jashtëm neto qëndron rreth 5.6 miliardë euro, relativisht i qëndrueshëm që prej vitit 2024. Megjithatë, apreciimi i Lekut ka ulur ndjeshëm peshën e tij në totalin e borxhit publik të shprehur në monedhën vendase. Kursi Euro-Lek pësoi një rënie prej 2.7% vetëm në gjashtëmujorin e parë të vitit 2026, me thellim të mëtejshëm gjatë korrikut dhe gushtit.

Tregues të tjerë të rrezikut paraqiten gjithashtu në përmirësim. Rreziku i rifinancimit të borxhit të brendshëm zbriti në 33.4%, nivelin historikisht më të ulët, ndërsa maturiteti mesatar i instrumenteve të brendshme u rrit në 1.179 ditë. Borxhi publik në tërësi ka ardhur vazhdimisht në rënie pas pikut rekord prej 74% të PBB-së në 2021, duke arritur në 54.02% të PBB-së në mesin e vitit akt

Foto: Jakub Zerdzicki / Pexels