Rentabiliteti i sektorit bankar shqiptar ka shënuar rënie për vitin e dytë consecutiv, sipas të dhënave të paaudituara të Shoqatës Shqiptare të Bankave. Norma e kthimit nga kapitali për gjashtëmujorin e parë të vitit 2026 zbriti në 14.03%, nga 16.69% që kishte regjistruar në të njëjtën periudhë të vitit të kaluar. Njëkohësisht, kthimi nga aktivet u tkurr në 1.39%, nga 1.66% një vit më parë, ndërsa fitimi i sektorit ra me 8.5%, duke zbritur në 16.2 miliardë lekë.

Ekspertët e vlerësojnë këtë tendencë si pasojë e kombinimit të uljes së normave të interesit, presioneve në anën e shpenzimeve dhe rritjes së ndjeshme të kapitalit aksionar, si rezultat i kërkesave më të shtrënguara rregullatore të Bankës së Shqipërisë pas vitit 2019.

Raiffeisen Bank kryeson renditjen me kthimin më të lartë nga kapitali, 21.75%, e ndjekur nga ABI Bank me 19.15% dhe BKT me 15.85%. Ndërkaq, ProCredit Bank dhe Banka e Bashkuar e Shqipërisë kanë mbyllur gjashtëmujorin në humbje, me kthime respektivisht prej -0.19% dhe -31.7%, duke thelluar shqetësimet për qëndrueshmërinë e tyre financiare.

Foto: Jonathan Cooper / Unsplash