Euroja vijon të humbasë vlerë në tregun shqiptar të këmbimit valutor, në një moment kur sezoni turistik ka arritur pikun e tij dhe prurjet e valutës së huaj janë intensifikuar ndjeshëm. Sipas kursit zyrtar të Bankës së Shqipërisë, një euro u këmbye sot me 92.96 lekë, duke shënuar një rënie prej 0.11 lekësh krahasuar me ditën paraardhëse. Vetëm gjatë muajit gusht, monedha europiane ka humbur 0.57 lekë, ndërsa që nga fillimi i vitit nënçmimi arrin në rreth 3.8 lekë, ose afërsisht 4%.

Agjentët e këmbimit valutor shpjegojnë se tregu është nën presionin e hyrjeve valutore të sezonit, të cilat kanë shënuar rekorde si pasojë e rritjes së fluksit turistik. Numri i të huajve që kanë vizituar Shqipërinë i kaloi 12 milionë në vitin 2025, duke shtuar ndjeshëm ofertën e euros. Në një perspektivë afatgjatë, monedha europiane ka humbur gati një të tretën e vlerës që nga viti 2011, kur arriti kulmin prej rreth 140 lekësh.

Banka e Shqipërisë po ndërhyn rregullisht duke blerë valutë, por masat e saj po e frenojnë vetëm pjesërisht rënien. Që nga fillimi i vitit 2024, institucioni ka tërhequr nga tregu rreth 2.2 miliardë euro, me blerje rekord prej 140 milionë eurosh vetëm në tremujorin e parë të