Të paktën 20 persona kanë vdekur si pasojë e një tërmeti të fuqishëm me magnitudë 7.4 ballë, i cili goditit Kolumbinë perëndimore të hënën, sipas burimeve zyrtare lokale. Sipas të dhënave të Shërbimit Gjeologjik Amerikan (USGS), lëkundshmëria u regjistrua në orën 07:34 me kohën lokale, në një thellësi prej rreth 107 kilometrash, me epiqendër pranë qytetit San José del Palmar, në rajonin e Chocó-s.

Dridhjet e forta u ndjenë gjerësisht në të gjithë territorin kolumbian, duke arritur edhe në vendet fqinje si Venezuela, Ekuadori dhe Panama. Infrastruktura aeroportuale pësoi dëme të konsiderueshme, duke detyruar Autoritetin e Aviacionit Civil të pezullojë operacionet në disa aeroporte kryesore, mes të cilave Pereira, Manizales, Quibdó, Armenia, Cartago dhe Buenaventura. Aeroporti i Popayánit mbetet gjithashtu jashtë funksionit, kësaj radhe për shkak të shpërthimit të hirit vullkanik nga vullkani Puracé.

Harta e lëkundjeve e publikuar nga USGS konfirmon se dridhjet u shpërndarë në një sipërfaqe të gjerë, me intensitet që varioi nga i fortë deri në shumë të fortë. Operacionet e kërkim-shpëtimit janë në vazhdim, ndërsa autoritetet presin të dhëna shtesë mbi bilancin e plotë të viktimave dhe dëmeve materiale.