Më 8 gusht, qyteti i Korçës u trondit nga një ngjarje tragjike që mori jetën e një të riu 20-vjeçar. Joan Zyko u vra me armë zjarri nga një person i njohur për të, dikush me të cilin kishte ndarë vitet e fëmijërisë. Sipas të dhënave të disponueshme, autori i krimit përdori një kallashnikov për të kryer atë që tashmë klasifikohet si një nga ngjarjet më të rënda të regjistruara kohët e fundit në qytetin e jugut të vendit.

I njohtë në mjediset e futbollit korçar, Zyko kishte qenë pjesë e strukturave të Akademisë së Skënderbeut deri në vitin 2017, ku kishte shërbyer si portier i ekipit U-15. Ndër vite, ai kishte ruajtur lidhjet e forta me klubin, duke e mbështetur atë edhe si tifoz besnik të “Ujqërve të Dëborës”. Lajmi i vdekjes së tij ra rëndë mbi komunitetin sportiv të Korçës. Klubi i Skënderbeut shprehi ngushëllimet nëpërmjet një reagimi zyrtar të publikuar në faqen e tij zyrtare, duke i bashkuar zërin të gjithëve atyre që mbeten të tronditur nga kjo humbje e parakohshme.