Kryeministri izraelit Benjamin Netanyahu ka njoftuar zyrtarisht se Izraeli refuzon dokumentin me 15 pika të hartuar nga Bordi i Paqes i presidentit amerikan Donald Trump në lidhje me situatën në Gazë.

Gjatë mbledhjes së kabinetit të mbajtur të dielën, Netanyahu sqaroi se forcat izraelite nuk do të tërhiqen nga Rripi i Gazës pa u siguruar fillimisht çarmatimi i plotë i lëvizjes Hamas. “Ushtria jonë nuk do të ndërmarrë asnjë tërheqje derisa Hamasi të jetë çarmatosur tërësisht dhe realisht”, theksoi ai, duke shtuar se operacionet ushtarake do të vazhdojnë me qëllim mbrojtjen e të dy kategorive, si ushtarëve ashtu edhe civilëve izraelitë.

Deklaratat e kryeministrit izraelit vijnë në një kohë kur sulmet në Gazë nuk kanë pushuar, edhe pse një marrëveshje armëpushimi mes palëve ishte arritur në tetor të vitit të kaluar.

Vetëm pak ditë më parë, Bordi i Paqes i koordinuar nga Shtetet e Bashkuara kishte bërë të ditur se çdo tërheqje e mundshme e forcave izraelite do të kushtëzohej nga përfundimi i procesit të çarmatimit të Hamasit. Ky qëndrim u bë i njohur pas takimit mes drejtuesit të Bordit, Nickolay Mladenov, dhe kryeministrit Netanyahu.