Francezët po konsolidojnë pozicionin e tyre si tregu kryesor i huaj për qiratë afatshkurtra në Shqipëri, ndërsa vizitorët amerikanë po i afrohen gjithnjë e më shumë gjermanëve për nga numri i netëve të qëndrimit.

Sipas të dhënave të AirDNA për dymbëdhjetë muajt e mbyllur në qershor 2026, vizitorët francezë rezervuan 17.7% të netëve gjithsej në strukturat shqiptare të listuara në platformat e qirasë afatshkurtër, duke shënuar një rritje të ndjeshme krahasuar me 15% që kishin një vit më parë. Kjo rritje prej 2.7 pikësh përqindjeje e vendos Francën jo vetëm në krye të listës, por edhe si tregun me zgjerimin më të fortë vjetor.

Gjermania mban vendin e dytë me 13.39%, megjithëse pesha e saj ka shënuar rënie të lehtë nga 13.7% e vitit të kaluar. Menjëherë pas saj renditen Shtetet e Bashkuara me 12.99%, nga 11.7% që ishte një vit më parë, duke ngushtuar diferencën me Gjermaninë në vetëm 0.4 pikë përqindjeje.

Mbretëria e Bashkuar zë vendin e katërt me 11.4%, edhe pse ka shënuar rënie nga 12.62%. Holanda dhe Italia kanë pësuar gjithashtu tkurrje të pjesës së tyre të tregut. Ndërkohë, Kanadaja ka vijuar trendin rritës duke arritur në 3.43%. Vizitorët vendas përfaqësonin vetëm 2.91% të totalit, çka