Termocentralet me qymyr në Ballkanin Perëndimor vazhdojnë të shkelë në mënyrë flagrante kufijtë ligjorë të ndotjes, sipas raportit të fundit vjetor “Comply or Close” të organizatës mjedisore Bankwatch, publikuar më 23 qershor. Të dhënat tregojnë se emetimet e dioksidit të squfurit tejkaluan gjashtë herë e gjysmë nivelin e lejuar në vitin 2025, ndërsa ndotja nga pluhurat arriti pikun më të lartë që nga hyrja në fuqi e rregullave aktuale, tetë vjet më parë.

Bosnjë-Hercegovina dhe Serbia renditen si ndotësit kryesorë të rajonit. Termocentrali Ugljevik në Bosnjë shënoi nivelin rekord të emetimeve të SO₂, pavarësisht se disponon sistem desulfurizimi prej 85 milionë eurosh, i cili sipas operatorit nuk përdoret plotësisht për arsye ekonomike. Njësitë e termocentralit Bitola në Maqedoninë e Veriut shkaktuan një rritje dramatike të ndotjes nga pluhurat, duke tejkaluar vetëm ato kufirin e lejuar kombëtar për të katër vendet e Ballkanit Perëndimor.

Raporti evidenton gjithashtu funksionimin e paligjshëm të disa centraleve pas skadimit të afateve të parashikuara. Megjithë procedurat e hapura nga Sekretariati i Komunitetit të Energjisë, autoritetet kombëtare nuk kanë vendosur asnjë gjobë ndaj operatorëve përgjegjës.