Një analizë e kompanisë Data4X për gjashtëmujorin e parë të vitit 2026 tregon se ekonomia e Kosovës po kalon nëpër ndryshime strukturore, me shërbimet digjitale që po fitojnë peshë gjithnjë e më të madhe, ndërsa sektorët tradicionalë si tregtia dhe ndërtimtaria po shfaqin shenja ngadalësimi.

Analiza është ndërtuar duke kombinuar të dhëna nga Administrata Tatimore, Dogana, Banka Qendrore e Kosovës dhe pasqyrat financiare të bizneseve, duke mbuluar dimensione si qarkullimi, punësimi, pagat, eksportet, importet dhe kreditimi.

Ndër gjetjet kryesore është raporti i çekuilibruar mes të ardhurave dhe kostove të punës. Qarkullimi u rrit me 1.3 për qind, punësimi me 5.6 për qind, ndërsa pagat shënuan rritje prej 17 për qind, duke sinjalizuar presion në rritje mbi bizneset.

Analiza zbulon gjithashtu një përqendrim të lartë ekonomik: vetëm 336 kompani gjenerojnë 40 për qind të qarkullimit total dhe zënë 56 për qind të kredive afariste.

Shërbimet moderne digjitale kanë shënuar rritjen më të spikatur afatshkurtër, me 196 për qind, duke gjeneruar rreth 610 milionë euro eksporte. Krahasuar me vitin 2018, sektori me rritjen më të lartë është akomodimi, arti dhe shërbimet e tjera, me 321 për qind, ndërsa tregtia me shumicë dhe pakicë mbetet sektori me rritjen më të ulët, prej