Jurgen Klopp ka bërë deklarata të forta pas konfirmimit të tij si trajner i ri i kombëtares gjermane të futbollit, duke vendosur kushte të qarta lidhur me qëndrimin e tij në këtë detyrë.

Tekniku i njohur gjerman deklaroi se është plotësisht i hapur ndaj mundësisë së largimit, nëse Federata Gjermane e Futbollit ose publiku i gjerë do ta konsideronin të papërshtatshëm për postin. Sipas tij, një vendim i tillë nuk do të shoqërohej me asnjë kërkesë financiare nga ana e tij.

Klopp theksoi se mjafton që mendimi kolektiv të jetë kundër tij, ose që vetë DFB-ja ta shprehë mosbesimin, dhe ai do të tërhiqet menjëherë. Megjithatë, ish-trajneri i Liverpoolit tërhoqi një vijë të qartë kur bëhet fjalë për familjen e tij. Ai paralajmëroi se nuk do të pranojë kurrsesi që të afërmit e tij të jenë shënjestër e sulmeve apo presionit të panevojshëm publik, dhe pikërisht kjo do të ishte arsyeja e vetme që do ta detyronte ta braktiste postin pa hezitim.