Platforma TikTok është shndërruar në një nga destinacionet kryesore ku të rinjtë kërkojnë informacion mbi shëndetin mendor, por një studim i ri hedh dyshime të forta mbi cilësinë e këtij përmbajtjeje. Sipas raportit, mbi gjysma e njëqind videove më të ndjekura nën hashtagun #mentalhealthtips rezultojnë të përmbajnë të dhëna të pasakta ose mashtruese.

Materialet u shqyrtuan nga psikologë e psikiatër, të cilët vunë re se shumë video thjeshtëzojnë në mënyrë të rrezikshme çrregullime komplekse si depresioni, ankthi, ADHD-ja apo autizmi. Në disa raste promovoheshin edhe trajtime pa bazë shkencore, suplemente të paprovuara ose metoda që pretendojnë se e “shërojnë traumën” në kohë rekord.

Shqetësim i veçantë mbetet nxitja e vetëdiagnostikimit. Ekspertët paralajmërojnë se përmbajtje të tilla i shtyjnë përdoruesit të interpretojnë reagime emocionale të zakonshme si simptoma të çrregullimeve psikologjike, duke vonuar kështu kërkimin e ndihmës profesionale. Raporti nënvizon gjithashtu keqpërdorimin e terminologjisë klinike, ku terma si “traumë” apo “abuzim emocional” aplikohen jashtë kontekstit të duhur.

TikTok e kundërshtoi metodologjinë e studimit, duke theksuar bashkëpunimin me organizata shëndetësore ndërkombëtare dhe angazhimin e saj për të frenuar dez